Tekst og bilde: Øyvind Vatshelle, SFVL
Drifta på jordbruksarealet kan føre til skade for vassdrag og livet langs vassdraget. Det er difor klare krav til jordbruksdrifta, mellom anna:
- Du kan ikkje gjødsle heilt ut til kanten av elver, småbekker og opne kanalar. Mange stadar kan du få regionalt miljøtilskot for å halde ekstra stor avstand.
- Du kan aldri bruke plantevernmiddel nærare enn tre meter frå overflatevatn, og for nokre middel er det større avstandskrav.
- Du kan ikkje jordarbeide nærare enn to meter frå vassdrag med årssikker vassføring, dersom du søkjer produksjonstilskot.
- Du kan ikkje fjerne naturleg kantvegetasjon langs vassdrag. Dette gjeld både buskar, tre, urter og gras.
Brot på krava om omsyn til vassdrag kan mellom anna medføre trekk i produksjonstilskot. Andre frivillige tiltak kan det vere mogleg å få tilskot til.
- Du kan ikkje gjødsle heilt ut til elvekanten
- Minsteavstand ved sprøyting er tre meter
- Aldri attlegg inntil bekken
- La vassdragsnaturen stå urørt
Ta gjerne kontakt med rådgjevaren din i NLR om du har spørsmål.
Lena Abel
Rådgjevar jordbruk
Vest
Sandane, Krånavegen 5, 6823, SANDANE
