Ove Sørestrand
Eg har hatt mykje jordprøvetaking denne hausten, frå Masfjorden til Førde. Det vart mykje regn i haust, men med klebyte på verste dagane, har det gått fint likevel.
Analysane
av jorda fortel oss om kvaliteten på jorda, og særleg er det fokus på pH som
vi ofte ser har låge verdiar.
Fosfor er
også viktig for plantane, men med nok husdyrgjødsel vert det stort sett rikeleg
fosfordekning.
Det
er fleire viktige parametrar i jordprøvene som vi kan sjå i samanheng
med dyrehelse. Til dømes ser vi samanheng mellom låg pH, lågt
magnesiuminnhald, lågt kalsiuminnhald, og problem med mjølkefeber hjå dyra. Då
bør vi velje magnesiumhaldig kalk som forebyggande tiltak. Vi har døme på at
rett kalk har gjeve positiv verknad.
Vi
har teke ein del jordprøver på beite. Her er det ein del
å ta tak i med omsyn til kalking. Vi ser også eit aukande problem med lyssiv og
knappsiv, difor har vi hatt markdagar i haust med dette temaet. Beite er ein
viktig ressurs som gjev rimeleg grovfôr, og som er viktig for totaløkonomien.
Delar av beita kan ofte vere vanskeleg å kome til, men her kan vi kalke dei
beste plassane. Litt kalk er betre enn ingenting. Når pH-verdien er låg (rundt
5,0 eller endå lågare) vil mineralnæringsstoff også vere mindre tilgjengeleg
for plantane.
No
startar gjødslingsplansesongen, og grunnlaget for
gjødslingsplanen er jordanalysane. Her kan vi også bruke TEAMS der vi går
gjennom gjødslingsplanen og ser på resultat av ulike berekningar vi legg inn i
planen etter kvart.
Vidare
er dette med skifteinndeling, dyretal og husdyrgjødsel viktig
å utnytte, då mineralgjødsel
vert ein stor kostnad framover. Det er også viktig å få teke
ut avlingspotensialet på dei ulike skifta alt etter behovet for grovfôr.
Arealet i gjødslingsplanen må også stort sett vere likt med areal i søknad om
produksjonstilskot.
Det
kan også vere aktuelt å følge opp med grovfôrprøve, og vurdere gjødslingsplanen
etter resultat av grovfôranalysen. Det må vere med mineralanalyse om vi skal
få sett på kva grovfôret inneheld av dei ulike minerala, og sette inn tiltak. Vi i NLR Vest kan hjelpe til med uttak, og vurdering av grovfôret gjennom «Surfortolken» som er eit nyttig verktøy for å optimalisere fôring, og sette inn tiltak i driftsopplegget.
