Forsøksserien er landsdekkande med dei breiaste engfrøblandingane som såvarefirmaene har tilpassa kvar landsdel. Vårt felt i Trøndelag for denne NIBIO serien, er i Oppdal hjå Rolf Morten Dørum, og var sådd 7.juni 2021.
Blandingane i vårt felt er i gruppe 4 som tilsvarer: Fjellstroka:
1: Strand nr 5
2: Spire surfor /beite ekstra vintersterk (FK)
3: Eiga blanding med Timotei Lidar 50%,Engsvingel Vinjar 15%,Kvitkløver Litago 12%. Rødkløver Gandalf 6% og 17% Sikori+Smalkjempe
4: SPIRE surf u kløver ekstra vintersterk (AGRI) + 10 % Gandalf Rødkløver
Kunnskap så langt
Resultatet frå dei første åra seier lite om forholdet mellom arter enno. Men vi finn ikkje att Sikori +Smalkjempe som var sådd, det er lite kløver også. Når det gjeld skilnaden i høstetid i 2024 med tidleg slått 7.juni og normal 17.juni fekk ein større tørrstoffavling i førsteslåtten med å vente. Dette er auke frå 248 til 364 kg ts pr daa, men kvaliteten går mykje ned, frå godt over 0,9 FEm til under 0,85 FEm pr kg ts med å utsette slåtten i 10 dagar. Auken i avling i andreslåtten 26.august jamnar ikkje ut den mindre førsteslåtten sjølv med 10 dagar lengre veksetid. Det er også avlingsforskjell på sortsblandingane vi har brukt mht avling. Totalt for året gjev den tidlege førsteslåtten mindre avling, men betre kvalitet i førsteslåtten. Den seine andreslåtten har gjeve ein svert låg foreiningskonsentrasjonen, da vi kom ned i 0,77-0,78 FEm pr kg ts.
2025: I det fjerde engåret skal ein gjere ei grundig botanisering frå førsteslåtten. Det blir spennande å fylje opp dette feltet fleire år.
Forsøksserien går mange plasser i landet, også i områder som tar tre slåtter. Her kan du lese om resultater fra Sarpsborg.
